The Google book

På kveldsmaten i går slo det ein tanke ned i hovudet mitt: “Kva om det hadde vore noko som heitte “The Google book”? Det hadde jo vore tidenes leksikon!”

Uttrykket å “google” har etter kvart etablert seg som eit verb i fleire land, inkludert Noreg. Google sjølv tek ikkje så veldig godt i mot dette og ser helst at det vert fjerna, men det trur eg ikkje skjer med det første.

Tenk så genialt å ha samla absolutt alt ei bok, slik at ein slapp å leite rundt i eit lass med bøker på biblioteket. Og ikkje minst; tenk for ei samling med informasjon det hadde vorte! Alle nettstadar, kart, bloggar, bøker, filmer, bilete og mail.

Sjølvsagt hadde det ikkje vore ein ferdig versjon, men ein prøveversjon slik at ein kunne sei at den var under utvikling om ein fann skriveleifar osv.