I går fekk eg ein kjekk telfon(samtale). iPhone-reklamasjonssaken var endelig “løyst” og det var kome ein ny telefon til meg. God gang fiskestang! Det merkelige er at eg ikkje har høyrt noko frå nokon på noko tidspunkt i prosessen.. Bønnesvar =)

No sit eg på rommet til Anna og Helene og ser på at Anna rydder rommet for helga. Eg gler meg til denne helga kjenner eg

Pepperkakebaking i morgon etter boller

Denne songen høyrte eg for første gong i fjor. Det er NewSong med “Christmas Shoes”. Den er utruleg fin og eg anbefaler deg å sjå videoen og/eller høyre songen på Spotify (for betre lyd):

Spotify-link

I kveld har eg begynnt å leika med å koble ein 16×2 LCD-skjerm til min nye Arduino. Det er ein liten mikrokontroller som det heiter på fint. Eit lite kretskort med forskjellige typar utganger og innganger ein kan programere til å gjere dei artigste ting. Berre sjå her:

Merkedag!

Foto: http://hildekleven.blogspot.com

Google Wave

Som tittelen seier, så er det Google Wave på g (g=gang). Eg klarte å få tak i ein invitasjon for ca. to veker sidan og laga meg til ein konto, men den forsvann avdi eg sletta Google-kontoen min for å renske opp i saker og ting her ein dag. Ergo: no har eg klart å få tak i ein invitasjon igjen og er på god vei mot å utforske denne nye kommunikajsons-plattforma som Google har brukt dei siste to åra på å utvikle. Sit du no og lurar på kva eg eigentleg snakkar om sjå sjekk ut denne lenka.

Google Wave i bruk

Dei påstår at dei har funne opp e-posten på nytt, og på mongen måtar har dei rett i det. Det er mykje lettare å få med seg innholdet samanlikna med eposter som har blitt sendt i hytt og gevær mellom folk. Dei er som oftast veldig rotete sitert og vanskelege å skjøna samanhengen i. Ein kan til dømes spele av “historikken” i samtalen, altså kven som skreiv kva og kortid dei skreiv det osv. Ein annan fin ting ved grensesnittet, er at ein kan sjå kva folk skriver i sanntid. På den måten slepp ein å sitje å vente på at den/dei andre parten/partane skal bli ferdige med å skrive, før du kan svare. Tenk berre kor mykje tid du eigentleg brukar berre på det når du feks. chattar!

Dette var berre nokre få tankar ikring Google Wave. Eg gler meg veldig til å sjå fortsetjinga og kvar vegen vidare går, ettersom det fortsatt er ein veldig tidleg BETA.

Kven veit? Om 4-5år er det kanskje ikkje nokon som brukar dagens mail i det heile?

Foto: Flickr.com/markbarky

Den siste tida har eg vore ein lukkeleg eigar av ein iPhone. Det er eg framleis, men i dag såg eg det naudsynt å levere den frå meg. Det var begynnt å danne seg små sprekker i plasten rundt kantene og krom-lista var begynnt å løsne. #AppleFail! Skuffande at dei ikkje klarar å levere eit produkt som varar lengre enn eit par veker! Så no er det back to old business utan verda i lomma. Ingen pinsle det, eg har overlevd verre ting. Det er ingen har de så godt som me har det, sjølv når me har det som verst!

Eg sit i sofaen heime og på bordet er det ikkje mindre enn 5 bærbare datamaskiner. Det er løye kva ein har i heimen gitt! Godt at fleirtalet har eit lysande eple på seg.

Onsdagen denne veka var kjedelig.. Når ein ikkje er i toppform og held seg heime for å prøve å bli betre, vert ting fort keisamt. Lei av Facebook, Twitter, TV og alt anna. Det medførte at eg, tru det eller ei, begynnte å vaske klede! Etter det skjøna eg at eg måtte koma meg vekk, så eg varma opp bilen medan eg hang opp kleda til tørk.

Foto: Flickr.com/cseanburns

Etter 2t og kolonnekøyring i store omvegar, stod eg til slutt trygt parkert i Prahls vei 18. Der vart eg møtt av eitt stk. trøtt tryne og ein stk. kommentar som høyrtes slik ut “Ka søren!?”. Då kjennde eg at det var godt å kome fram..

Takk for turen!